Sunday 19 November 2017

K-TET Notification /Prospects

Image result for ktet
2009-ലെ വിദ്യാഭ്യാസ അവകാശ നിയമം (ആര്‍.ടി.ഇ.ആക്ട്)അദ്ധ്യാപകരുടെ നിയമനകാര്യത്തില്‍ നിലവാരം ഉറപ്പുവരുത്തുന്നതിന് സംസ്ഥാനങ്ങള്‍ക്ക് നിര്‍ദ്ദേശംനല്‍കിയിട്ടുണ്ട് അദ്ധ്യാപകരായി നിയമിക്കപ്പെടുന്ന വ്യക്തികള്‍ക്ക് അദ്ധ്യയനത്തിന്‍റെ എല്ലാനിലയിലുമുള്ള വെല്ലുവിളികളെ സമര്‍ത്ഥമായി നേരിടുവാനുള്ള അത്യാവശ്യ അഭിരുചിയുംകഴിവും ഉണ്ടാകേണ്ടതാണ് കേരളത്തില്‍ ലോവര്‍ പ്രൈമറി, അപ്പര്‍ പ്രൈമറി, ഹൈസ്കൂള്‍ തലങ്ങളില്‍ അദ്ധ്യാപകരായി നിയമിക്കപ്പെടാനുള്ള നിലവാരം നിര്‍ണ്ണയിക്കുന്നതിനായി നടത്തപ്പെടുന്ന യോഗ്യതാ പരീക്ഷയാണ് കെ-ടെറ്റ്.
വിഭാഗംI Category I  - ലോവര്‍ പ്രൈമറി ക്ലാസ്സുകള്‍
വിഭാഗംII Category II  - അപ്പര്‍ പ്രൈമറി ക്ലാസ്സുകള്‍
വിഭാഗംIII Category III - ഹൈസ്കൂള്‍ ക്ലാസ്സുകള്‍
വിഭാഗംIV Category IV  - ഭാഷാ അദ്ധ്യാപകര്‍- അറബി, ഹിന്ദി, സംസ്കൃതം,ഉറുദു- യു.പി തലം വരെ- സ്പെഷ്യലിസ്റ്റ് അദ്ധ്യാപകര്‍ (ആര്‍ട്ട് & ക്രാഫ്റ്റ്,കായിക അദ്ധ്യാപകര്‍) എന്നിങ്ങനെ നാല് വിഭാഗങ്ങളിലാണ് നടത്തുന്നത്.കെ-ടെറ്റ് പരീക്ഷാനടത്തിപ്പിന്‍റെ ചുമതല കേരളാ പരീക്ഷാഭവനാണ്.  അപേക്ഷകര്‍ കര്‍ശനമായും പ്രോസ്പെക്ടസ് വായിച്ച് മനസ്സിലാക്കിയിരിക്കണം.
ഓരോ വിഭാഗത്തിലും അപേക്ഷിക്കുവാനുള്ള യോഗ്യതമാനദണ്ഡങ്ങള്‍ വിശദമായി പ്രോസ്പെക്ടസില്‍ നല്‍കിയിട്ടുണ്ട്
ഓരോ വിഭാഗത്തിലും അപേക്ഷാഫീസ് 500/- (അഞ്ഞൂറ് രൂപ മാത്രം) രൂപയാണ്.പട്ടികജാതി/പട്ടികവര്‍ഗ്ഗവിഭാഗത്തിനും ഭിന്നശേഷിയുള്ളവര്‍ക്കും ഫീസ് 250/- (ഇരുനൂറ്റി അമ്പത് രൂപ മാത്രം) ആയിരിക്കും. ഓണ്‍ലൈനായി മാത്രമേ, അപേക്ഷകള്‍ സമര്‍പ്പിക്കുവാന്‍ സാധിക്കുകയുള്ളു. അപേക്ഷയുടെ പ്രിന്‍റൗട്ട് സര്‍ട്ടിഫിക്കറ്റുകളുടെ പകര്‍പ്പുകള്‍ എന്നിവ പരീക്ഷാഭവനിലേക്ക്അയയ്ക്കേതില്ല.
അപേക്ഷയില്‍ നല്‍കിയിട്ടുള്ള വിവരങ്ങള്‍ അപേക്ഷ Confirm ചെയ്യുന്നതിന്മുമ്പായി ശരിയാണെന്ന് പരിശോധിച്ച് ഉറപ്പുവരുത്തേതും തിരുത്തലുകള്‍ എന്തെങ്കിലും ഉണ്ടെങ്കില്‍ വരുത്തേണ്ടതുമാണ്. അപേക്ഷ   Confirm ചെയ്തതിനുശേഷം പേര്, ജാതി,വിഭാഗം, വിഷയം എന്നിവയില്‍ യാതൊരുവിധ തിരുത്തലുകളും വരുത്തുവാന്‍ സാധ്യമല്ല.അപേക്ഷയില്‍ നല്‍കിയിട്ടുള്ള വിവരങ്ങള്‍ക്കനുസൃതമായി മാത്രമേ ഹാള്‍ടിക്കറ്റുകള്‍ ലഭിക്കുകയുള്ളൂ. അപേക്ഷയുടെ സമര്‍പ്പണം, ഫീസ് ഒടുക്കല്‍ എന്നിവയുടെ വിശദാംശങ്ങള്‍ പ്രോസ്പെക്ടസിന്‍റെ 15,16 എന്നീ പേജുകളില്‍ ലഭ്യമാണ്. അപേക്ഷകര്‍ക്ക് അവര്‍ പരീക്ഷ എഴുതാന്‍ ഉദ്ദേശിക്കുന്ന ജില്ല അപേക്ഷാ സമയത്ത് തിരഞ്ഞെടുക്കാവുന്നതാണ്.പരീക്ഷാഭവന്‍ അനുവദിക്കുന്ന പരീക്ഷാ കേന്ദ്രത്തിന്‍റെ പേര് അഡ്മിറ്റ് കാര്‍ഡിലൂടെ അറിയിക്കും.കൂടുതല്‍ വിവരങ്ങള്‍ക്കായി പ്രോസ്പെക്ടസ് /വിജ്ഞാപനം എന്നിവ താഴെ ചേര്‍ക്കുന്നു.
Downloads
K-TET  Notification
K-TET Prospects

No comments:

Post a Comment